«Կորած մոլորվածը Հայաստանում» (անգլ.՝ Lost & Found in Armenia), հայ-ամերիկյան կատակերգություն, որի շնորհանդեսը տեղի է ունեցել 2012 թվականի նոյեմբերի 12-ին Ամերիկայի Միացյալ Նահանգներում և Հայաստանում:

Ֆիլմի հիմքում ընկած է մի ամերիկացի երիտասարդ զբոսաշրջիկ, ով պատահաբար հայտնվում է Հայաստանի գյուղերից մեկում։

Ֆիլմում հնչում են երեք լեզուներ հայերեն, թուրքերեն և անգլերեն, իսկ որոշ հատված նաև ադրբեջաներեն։ Երաժշտության և սցենարի հեղինակն է հայ սցենարիստ Նարեկ Ղափլանյանը, իսկ ռեժիսորը՝ Գոռ Կիրակոսյանը։

Սցենար
Ամերիկացի մի երիտասարդ զբոսաշրջիկ Թուրքիայում հանգստանալու ժամանակ օդապարիկով ընկնում է Հայաստանի գյուղերից մեկը։ Գյուղացիները տեսնելով, որ տղան խոսում է օտար լեզվով և չունի ոչ մի փաստաթուղթ կարծում են, թե տղան թուրքական լրտես է և պահում են հարևաններից մեկի նկուղում։

Հետո գտնվում է անգլերեն հասկացող մի երիտասարդ աղջիկ, ով կարողանում է պարզել տղայի իսկությունը։ Սկսվում են կորած-մոլորվածի արկածները Հայաստանում։

Դերերում
Ջեյմի Քենեդի – Բիլ (Ուիլյամ)
Անժելա Սարաֆյան – Անի
Դեյվ Շերիդան – Ջորջ
Սերդար Քասլին – Ահմեդ
Միքայել Պողոսյան – Մացակ
Հրանտ Թոխատյան – Ալեքսան